?а Бракот (Пророкот, од Калил Џибран)

Send a card

За Бракот (Пророкот, од Калил Џибран)
Родени сте заедно и секогаш ќе бидете заедно.
Ќе бидете заедно дури и кога белите крилја на смртта ќе ги растераат вашите денови.
Да, ќе бидете заедно дури и во тивкото сеќавање на Бога.
Но, нека има простор во вашата заедница.
Нека небесните ветрови танцуваат меѓу вас.
Сакајте се еден со друг, но не правете стега од љубовта:
Нека морето биде разбранувано меѓу бреговите на вашите души.
Налејте во чашата еден на друг, но не пијте од иста чаша.
Дајте си еден на друг од лебот свој, но не јадете од истото парче.
Пејте и танцувајте заедно и радувајте се, но допуштете секој од вас да биде сам,
Како што се сами и струните на лаутата, иако треперат со иста музика.
Дајте ги вашите срца, но не во сопственост еден на друг.
Зашто само раката на Животот може да ги прегрне вашите срца.
И стојте заедно, ама не преблиску:
Зашто и столбовите на храмот стојат одделно,
И дабот и чемпресот не растат во сенка еден на друг.